फिलिपिन्समा काेराेनाबाट एकैदिन ३१ जनाको मृत्यु

३१ भदौ , एजेन्सी । फिलिपिन्समा बिहीबार मात्र काेराेना बाट दुई हजार एक सय ४१ जनामा संक्रमण भएको बताइएको छ । यो समेत गरी यहाँ अहिलेसम्म ३९ लाखभन्दा बढी व्यक्तिमा कोरोनाको संक्रमण भएको जनाइएको छ ।

साथै यहाँ कोरोनाका कारण बिहीबार मात्र ३१ जनाको ज्यान गएको फिलिपिन्सको स्वास्थ्य विभागले जानकारी दिएको हो ।यो समेतगरी यहाँका ६२ हजार चार सय ४७ जनाको कोरोनाबाट निधन भएको थियो । फिलिपिन्सको मेट्रो मनिला क्षेत्रमा काेराेनाले सबैभन्दा बढी प्रभावित बनाएको छ ।

सो क्षेत्रमा मात्र कम्तीमा पनि एक हजार नयाँ संक्रमित बिहीबार थपिएका बताइएको छ । यहाँ गत जनवरीमा एकै दिन ३९ हजार जनामा पनि संक्रमण भएको थियो ।

तर अहिले भने दैनिक दुई हजार जनाको हाराहारीमा संक्रमित भेटिने गरेका यहाँको स्वास्थ्य विभागले जानकारी दिएको छ । यहाँको जनसंख्याको ७२।८ प्रतिशत नागरिकले कोरोनाका विरुद्धको खोपको पूर्ण मात्रा लगाएका छन् ।