एमाले निकट विद्यार्थी संगठनद्वारा राष्ट्रपतिको पक्षमा प्रदर्शन

५ असोज, काठमाडौं। नेकपा एमाले निकट विद्यार्थी संगठन अनेरास्ववियुले राजधानी काठमाडौंमा राष्ट्रपति विद्यादेवी भण्डारीको पक्षमा प्रदर्शन गरेको छ । काठमाडौंको त्रिचन्द्र क्याम्पसमा जम्मा भएका अनेरास्ववियुका कार्यकर्ताले नागरिकता विधेयक राष्ट्रघाती भएकाले राष्ट्रपतिले प्रमाणीकरण नगरेर ठिक गरेको भन्दै राष्ट्रपतिको पक्षमा प्रदर्शन गरेका हुन् ।

अनेरास्ववियुले सरकार विरुद्ध नाराबाजी गर्दै राष्ट्रपतिको पक्षमा नारा लगाएको हो । प्रतिनिधि सभा र राष्ट्रिय सभाबाट दुई पटक पारित भइसकेको नागरिकता विधेयक राष्ट्रपति विद्यादेवी भण्डारीले प्रमाणिकरण नगर्दा पक्ष र विपक्षमा समर्थन तथा आलोचना सुरु भएको हो ।