अपहरणका आरोपित पूर्वआइजीपी सर्वेन्द्र खनाल एमालेमा प्रवेश गर्दै

६ असोज, काठमाडौं । जनता समाजवादी पार्टीका एक जना केन्द्रीय सदस्यतथा सांसदलाई अपहरण गरेर पार्टी फुटाउन लागेको आरोप लागेका नेपाल प्रहरीका पूर्वमहानिरीक्षक (आइजीपी) सर्वेन्द्र खनाल आज एमालेमा प्रवेश गर्ने भएका छन् ।

उनले नेकपा(एमाले)का सांसद महेश बस्नेतसँगै गत वर्ष जसपा नेपालका सांसद डा. सुरेन्द्र राय यादवलाई घरबाट काठमाडौंसम्म ल्याएका थिए । उक्त घटनापछि सार्वजनिक हुँदा डा. यादवले खनालसहित एमालेका नेताहरुमाथि अपहरणको मुद्दा दर्ता गर्न समेत पुगेका थिए ।

एमाले मुख्यालय च्यासलमा उनलाई अध्यक्ष केपी शर्मा ओलीले पार्टी प्रवेश गराउने भएका हुन् । खनालले ओलीलाई बुधबार बालकोटमा भेटेका थिए । ओली प्रधानमन्त्री हुँदा खनाल आइजीपी थिए ।