सल्यान : ४ दिनमा २ घटना ११ जनाको मृत्यु १७ जना घाइते ! प्रहरी भन्छ : चालकको ओभर कन्फिडेन्स

♦ दीपक शर्मा
१५ असोज , सल्यान । सल्यानमा ४ दिनको बिचमा सडक दुर्घटनामा ११ जना मानिसले ज्यान गुमाएका छन भने १७ जना घाइते भएका छन । पहाडी क्षेत्रमा चाडपर्वको बेला नियमित संचालनमा रहेका सार्वजनिक सवारी साधनका गाडी भन्दा पछिल्लो पटक रिजर्भ गरिएका गाडि दुर्घटना बढेको देखिन्छ ।

गएको मंगलबार बाँकेको ढकेरी बाट विहेको भोज खाएर सल्यानको जलवाङतर्फ जादै गरेको रा १ ज ५६३ नम्वरको जिप बुधवार विहान करिब १ बजेतिर कपुरकोट गाँउपालिका वार्ड न ३ मुलपानि नजिकै दुर्घटना हुँदा जिपमा सवार ९ जना मध्ये ८ जनाको घटनास्थलमै मृत्यु भएको थियो भने अन्य १ जनाको उपचारको क्रममा शुक्रवार मृत्यु हुँदा जिपमा सवार चालक सहित सवै जनाको मृत्यु भयो । मृत्यु हुनेमा एकै परिवारका ४ जना समेत रहेका छन ।

घटनाको प्रारम्भिक रिपोर्टले चालकको ओभर कन्फिडेन्स नै जस्तो देखिन्छ । यसै गरी सनिवार विहान कुमाख गाँउपालिका ७ जिमाली बाट खैराबाङ भगवती मन्दिरमा दर्शनका लागी जादै गरेको रा १ ज ७९८ नम्वरको जिप गन्तव्य नजिकै जिमालीमा दुर्घटना हुदा २ जनाको घटनास्थलमै मृत्यु भएको छ भने दुर्घटनामा घाइते भएका १७ जनालाई नेपालगञ्ज लगिएको छ दुर्घटनको मुख्य कारण उकालोमा व्याक गर्दा जिप तल खसेको देखिन्छ ।

घाइते मध्ये ५ जनाको अवस्था गम्भिर रहेको जिल्ला प्रहरी कार्यालय सल्यानका प्रहरी निरिक्षक एंव सूचना अधिकारी सन्तोष खनालले नेपाल बहसलाई बताए । यी दुवै घटनालाई नजिकबाट नियाल्ने हो भने घटनाको प्रकृति एउटै जस्तो देखिन्छ ।

दुर्घटनामा परेका दुवै जिप रिजर्भ गरिएका थिए । दुर्घटनाको कारण साँघुरो बाटो, चालकको लापरवाहि , तिव्रगति वा क्षमता भदा वढि यात्रु राख्नु नै मुख्य कारण भएको खनालको भनाई छ । ति दुबै घटनाको अनुसन्धान गरिरहेका प्रहरी निरिक्षक सन्तोष खनालले पटिल्लो पटक रुट परमिटमा चलेका गाडि भन्दा रिजर्भ गरीएका गाडी बढि दुर्घटना भएको बताए ।

चालकको ओभर कन्फीडेन्स पनि दुर्घटनको कारण बन्न सक्छ । यी घटनाले यसको पुष्टि गर्छ । चाडपर्वको बेला भारत लगायत अन्य जिल्ला बाट सल्यान भित्रिने सवारी साधनमा क्षमता भन्दा वढि यात्रु वोक्ने चालकले मापसे गरे नगरेको चेक जाँच सीमा क्षेत्रमै भैरहेको छ ।