सशस्त्र प्रहरीका हवल्दारमाथिको आरोप पुष्टि भएन, एसपी विष्टमाथि छानविन शुरु
नेपालबहस संवाददाता
असोज २९, २०७९ शनिबार २२:२०:५८
२९ असोज, काठमाडौं । सशस्त्रको ४४ नम्बर गणका गणपतिले राशनमा घोटला गरेको सूचना चुहाएको आरोपमा तीन महिनादेखि हिरासतमा रहेका सशस्त्र प्रहरीका हवल्दार नरेश साहु हिरासतमुक्त भएका छन् । उनलाई संगठनका गोप्य सूचना चुहाएको, हातहतियारको विवरण बुझाएको भन्ने झुूठो आरोपमा सशस्त्रले कारबाही अगाडि बढाएको थियो । तर सशस्त्रको अदालतले आरोप पुष्टि नहुने ठहर गर्दै फैसला गरेपछि उनलाई बुधबार हिरासतमुक्त गरिएको हो ।
सशस्त्र प्रहरीका प्रवक्ता एसएसपी पुरूषोत्तम थापाका अनुसार उनलाई विभागीय कारवाही हुनेछ । ‘उनीमाथि जे आरोप लगाएर कारबाही अगाडि बढाइएको थियो त्यो पुष्टि भएन, हिजै हिरासतमुक्त गरिएको छ, अब विभागीय कारबाही मात्रै हुन्छ । तर के कारबाही हुन्छ भन्ने फैसलाको पूर्णपाठ आएपछि थाहा हुन्छ’, थापाले भने । अहिले हवल्दार साहु हाल निलम्बनमा छन् । असार २२ गते उनीविरुद्ध मुद्दा दर्ता भएको थियो । दार्चुलास्थित महाकाली नगरपालिका–२ मुल्लाका सशस्त्र प्रहरी हवल्दार साहुले सशस्त्रको ४४ नम्बर गणका सशस्त्र प्रहरीलाई बिदामा छाडेर रासनभत्तामा अनियमितता गरेको सूचना बाहिर ल्याएको आरोप लागेको थियो ।
गणभित्रको हाजिरी विवरणसहित सार्वजनिक भएपछि सशस्त्रले छानबिन गर्दै उनलाई प्रारम्भिक रुपमा दोषी रहेको भन्दै हिरासतमै राखेर कारबाही अगाडि बढाइएको थियो । सशस्त्रले भने उनले हातहतियार र गोलीगठ्ठासहितको विवरण अनधिकृत व्यक्तिलाई उपलब्ध गराइएको आरोप लगाएर विशेष अदालत गठन गरी कारवाही अघि बढाइएको थियो ।
गणका प्रमुख एसपी त्रिभुवन बिष्टले रासन भत्तामा अनियमितता गर्ने उदेश्यले गणका कर्मचारीलाई बिदा छाडेपछि हवल्दार साहुमार्फत सूचना चुहिएको थियो । सशस्त्र प्रहरीमा एकसाथ धेरै बिदा छाड्न नपाईने अवस्थामा विष्टले धेरै कर्मचारीलाई बिदा छाडेको आरोप लागेको थियो । गणमा कार्यरत प्रहरी बिदामा बस्दा रासन भत्ता कटौती हुने गरेको छ । तर संगठनको नीति नियमविपरीत कार्य गरेका एसपी बिष्टलाई भने कुनै कारबाही भएको छैन । यस्तो अनियमितताको बारेमा जानकारी दिने हवल्दारलाई भने सर्वस्वसहित जन्मकैदको माग गर्दै सशस्त्रले मुद्दा दायर गरेको थियो ।
गणमा २५८ जना कार्यरत रहेकोमा १२२ जनालाई एकसाथ बिदामा छाडिएको भने पुष्टि भएको थियो । समाचार सार्वजनिक भएपछि एसपी बिष्टले यस विषयमा छानविन समेत गरेका थिए । छानबिनका क्रममा हवल्दार साहुले सूचना दिएको पुष्टि भएको थियो । पत्रकारले पनि आफूलाई हवल्दार साहुले नै सूचना दिएको खुलाइदिएका थिए । गत जेठ २८ गते स्थानीय एक अनलाइनले एकसाथ १२२ सशस्त्र बिदामा रहेको समाचार प्रकाशन गरेको थियो । हवल्दार साहुमाथि लागेको आरोप पुष्टि नभएपछि अहिले एसपी विष्टमाथि छानविन भैरहेको सशस्त्र मुख्यालयले जनाएको छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपडीआईजी बढुवाको छलाङले प्रहरीमा चरम नैराश्यता, विवादको घेरामा लामिछाने
जेठ ५, २०८१ शनिबार
बालमन्दिर जग्गा हिनामिना आरोपीलाई पक्राउ नगर्न दबाब, अधिकांश भारततर्फ फरार
जेठ ४, २०८१ शुक्रबार
अवनतिको बाटो फेर्न लागेको राजनीति र सुरक्षा चासो
सुबोधकुमार अधिकारी
जेठ ४, २०८१ शुक्रबार
विद्यार्थी मृत फेला परेपछि आक्रोशित भिडद्वारा स्कुलमा आगलागी
नेपालबहस संवाददाता
जेठ ४, २०८१ शुक्रबार
डीआईजी बढुवाको छलाङले प्रहरीमा चरम नैराश्यता, विवादको घेरामा लामिछाने
जेठ ५, २०८१ शनिबार
तपाईको आजको राशीफल कस्तो छ ?
जेठ ६, २०८१ आइतबार
ताइवानको संसदमा सांसदहरुबीच हानाहान !
जेठ ५, २०८१ शनिबार
करेन्ट लगाएर माछा मर्ने क्रममा एकको मृत्यु
जेठ ६, २०८१ आइतबार
नेप्सेमा उच्च अङ्कको वृद्धि, सवा पाँच अर्ब बराबरको कारोबार
जेठ ६, २०८१ आइतबार
टीओआरमा सहमति जुटेन, सकियो कार्यदलको बैठक
जेठ ६, २०८१ आइतबार
नेविसंघले माग्यो गृहमन्त्री लामिछानेको राजीनामा
जेठ ६, २०८१ आइतबार