आज थप ३२ जनामा कोरोना पुष्टि

३० असोज, काठमाडौं । नेपालमा आइतबार थप ३२ जनामा कोरोना भाइरस संक्रमण पुष्टि भएको छ। पछिल्लो २४ घन्टामा देशभरबाट ११६२ नमूना परीक्षण गर्दा ३२ जनामा संक्रमण पुष्टि भएको हो ।

स्वास्थ्य तथा जनसंख्या मन्त्रालयका अनुसार पीसीआर विधिबाट ६३४ र एन्टिजेनबाट ५२८ नमूनाको परीक्षण गर्दा पीसीआरबाट २८ र एन्टिजेनबाट ४ नमूनाको रिपोर्ट पोजिटिभ आएको हो।

मन्त्रालयका अनुसार थप ७ जना कोरोनामुक्त भएका छन्। हाल सक्रिय कोरोना संक्रमितको संख्या ६६८ पुगेको छ।