मानवशास्त्री ओम गुरुङ रहेनन्

३१ असोज, काठमाडौं । मानवशास्त्री ओम गुरुङको निधन भएको छ । गुरुङको ललितपुरको हरिसिद्धिस्थित नेपाल क्यान्सर अस्पतालमा उपचारका क्रममा सोमबार दिउँसो १ः४६ बजे निधन भएको हो । १० वर्ष पहिले मृगौला प्रत्यारोपण गरेका गुरुङलाई स्वास्थ्य अवस्था जटिल बनेपछि आईसीयूमा राखेर उपचार गराइरहेकाे थियाे ।

नेपाल आदिवासी जनजाति महासंघका पूर्वमहासचिव समेत रहेका गुरुङ नेकपा (क्रन्तिकारी माओवादी)को सल्लाहकार समितिको अध्यक्ष थिए । मृतक गुरुङका श्रीमती, दुई छोरी र एक छोरा छन् ।