४५ वटा कम्पनीले लिए ब्रोकर लाइसेन्सका लागि सिफारिस
नेपालबहस संवाददाता
कात्तिक १, २०७९ मंगलबार १८:८:५१
१ कार्तिक,काठमाडौं । नेपाल स्टक एक्सचेन्ज (नेप्से) बाट ४५ वटा कम्पनीले ब्रोकर व्यवसायका लागि सिफारिस लिएका छन् । नेपाल धितोपत्र बोर्डमा आवेदन दिने अन्तिम दिनसम्म ती कम्पनीहरूले धितोपत्र व्यवसाय सञ्चालन अनुमतिका लागि नेप्सेबाट सिफारिस लिएका हुन् ।
नयाँ ब्रोकर लाइसेन्सका लागि बोर्डमा आवेदन दिनु पूर्व नेप्सेबाट सिफारिस लिनुपर्ने छ। नेप्सेले सोमबार नै नयाँ ब्रोकर लाइसेन्सका लागि ४५ वटा कम्पनी सिफारिस गरेको छ। तर बोर्डमा भने ४६ वटा कम्पनीको आवेदन परेको छ।
स्टक एक्सचेन्जले आजसम्म ४५ वटा कम्पनीलाई सिफारिस दिएको छ। तर यता बोर्डमा ४६ वटाको आवेदनपरेको छ ।सनी सेक्युरिटिज कम्पनीले सेवा थपका लागि फुल ब्रोकरका लागि आवेदन दिएको हो। सनी सेक्यूरिटिज ५० वटा ब्रोकर भित्रकै ब्रोकर हो। यसैक कारण नेप्से र बोर्डको तथ्यांकमा फरक देखिएको हो । सनी सेक्युरिटिजले अहिले पनि ब्रोकर सेवा उपलब्ध गराउँदै आएको छ।
४५ कम्पनीमध्ये एउटा कम्पनीले एक अर्ब ५० करोड चुक्तापुँजी भएको धितोपत्र व्यापार गर्न सिफारिस लिएको छ । त्यसैगरी ६० अर्ब चुक्तापुँजी भएका तीन वटा कम्पनीले नेप्सेबाट सिफारिस लिएका छन् । ३० करोडभन्दा कम र २० करोड भन्दा बढी चुक्तापुँजी भएका कम्पनी ४१ वटा रहेका छन् ।
एक अर्ब ५० करोड चुक्तापुँजी भएको नबिल सेक्युरिटिज लिमिटेड रहेको छ । त्यसैगरी ६० करोड चुक्तापुँजी हुनेमा मेगा स्टक मार्केट्स लिमिटेड, हिमालयन सेक्युरिटिज लिमिटेड र सेन्चुरी सेक्युरिटिज लिमिटेड रहेका छन् । सीमित कार्य गर्ने कम्पनीहरुमा भोले गणेश सेक्युरिटिज, कलश सेक्युरिटिज, एनएमबि सेक्युरिटिज, केबिएल सेक्युरिटिज, शेयर प्रो सेक्युरिटिज लगायत ४१ वटा छन्।
बोर्डले शेयर ब्रोकरहरूलाई सीमित कार्य गर्ने धितोपत्र दलाल सेवा, पूर्ण कार्य गर्ने धितोपत्र दलाल सेवा र धितोपत्र व्यापारी गरी तीन प्रकारमा विभाजन गरेको छ ।
नेप्सेले धितोपत्र व्यवसाय सञ्चालनका लागि तोकिएको मापदण्ड पुरा गरेर कम्पनीलाई लिखित रूपमा सिफारिस दिँदै आएको छ । नेप्सेको सिफारिसका लागि आएका आवेदनमध्ये कुनै पनि कम्पनी मापदण्ड नपुगेका कारण फिर्ता नभएको नेप्सेका प्रवक्ता मुरारी पराजुलीले जानकारी दिए ।
धितोपत्र दलाल व्यवसाय गर्न चाहनेले कम्पनी कानुनमा तोकिएको मापदण्ड पुरा गरी नेप्सेको सिफारिससहित धितोपत्र बोर्डमा आवेदन दिनु पर्नेछ । धितोपत्र बोर्डमा दिएका आवेदन उपर बोर्डले आवश्यक अध्ययन गरेर उपयुक्त लागेका कम्पनीलाई धितोपत्र व्यवसायीको अनुमतिपत्र प्रदान गर्नेछ ।
बोर्डले धितोपत्र दलाल तथा धितोपत्र व्यापारीको अनुमतिपत्रका लागि गत असोज २ गते एक सूचना जारी गर्दै ३० दिन भित्र आवेदन पेश गर्न आह्वान गरेको थियो। बोर्डले धितोपत्र व्यवसायी धितोपत्र दलाल तथा धितोपत्र व्यापारी नियमावलीलाई पाँचौ पटक संशोधन गरी थप नयाँ ब्रोकर कम्पनीहरुका लागि दर्खास्त आह्वान गरेको हो।
नयाँ ब्रोकर लाइसेन्सका लागि आजसम्म बोर्डमा रितपूर्वक आवेदन दिएका कम्पनीहरुको आवेदन जाँचबुझ पछि उपयुक्त ठहरिएमा कम्पनीलाई बोर्डले पहिलो चरणमा पूर्वाधार निर्माणका लागि सूचित गर्नेछ।
कम्पनीले पूर्वधार तयार गरेपछि बोर्डलाई जानकारी दिनुपर्ने छ। त्यसको ३० दिनभित्र बोर्डले स्थलगत अध्ययन गरी जाँचबुँज गर्छ। पूर्वाधार पर्याप्त देखिएमा मात्रै धितोपत्र व्यवसाय संचालन गर्ने अनुमति दिन्छ। तर जाँचबुँझ गर्दा पर्याप्त पूर्वधार नदेखिएमा भने बोर्डले तीन महिनाको समय तोकेर व्यवस्थापनको समय उपलब्ध गराउँछ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपधितोपत्र बोर्डमा अध्यक्ष नहुँदा तीन महिनादेखि आईपीओ र एफपीओको काम बन्द
चैत १४, २०८० बुधबार
धितोपत्र बोर्डको अध्यक्षका लागि अर्थले खुलायो आवेदन
फागुन १६, २०८० बुधबार
नेप्सेले भन्यो, ‘मार्जिन कारोबारका लागि ११२ कम्पनी योग्य’
फागुन १४, २०८० सोमबार
बस खोलामा खस्दा २० को मृत्यु, २१ जना घाइते
बैशाख २१, २०८१ शुक्रबार
आगामी साता हल्कादेखि मध्यम खालको वर्षा हुने प्रक्षेपण
बैशाख २१, २०८१ शुक्रबार
टी–२० विश्वकप खेल्ने राष्ट्रिय क्रिकेट टीमको बिदाइ
बैशाख २१, २०८१ शुक्रबार
अग्निपीडितलाई अस्थायी आवासको व्यवस्था गर्दै सरकार
बैशाख २२, २०८१ शनिबार
वेस्ट इन्डिज ‘ए’ विरुद्ध आज अन्तिम खेल खेल्दै नेपाल
बैशाख २२, २०८१ शनिबार
डिभीको नतिजा आज आउँदै , यसरी सकिन्छ हेर्न !
बैशाख २२, २०८१ शनिबार
डढेलो निभाउन सिम्रिक एयरले सघाउने
बैशाख २२, २०८१ शनिबार
मुम्बईमाथि कोलकोता २४ रनले विजयी
बैशाख २२, २०८१ शनिबार
आज यी पाँच प्रदेशमा हल्का वर्षाको सम्भावना
बैशाख २२, २०८१ शनिबार