काभ्रेमा रासायनिक मल अभाव, सीडीओलाई किसानको ध्यानाकर्षणपत्र

४ कात्तिक, धुलिखेल । आलुलगायत तरकारीजन्य बाली लगाउने समयमा रासायनिक मल अभाव भएकाले सहजरूपमा मल आपूर्ति गर्न पाँचखाल लागयत क्षेत्रका किसानले काभ्रेपलाञ्चोक प्रशासनसँग माग गरेका छन् ।

उनीहरुले मल आपूर्तिका लागि संघार्ष समिति गठन समेत गठन गरेका छन् । समितिले पाँचखाल नगरपालिका कार्यालय र जिल्ला प्रशासन कार्यालयमा ध्यानाकर्षणपत्रसमेत बुझाएका छन् ।

प्रमुख जिल्ला अधिकारी हुमकला पाण्डे र नगर उपप्रमुख सूर्यमाया दनुवारलाई सयौं संख्यामा उपस्थित किसानले ध्यानाकर्षणपत्र बुझाउँदै एक वर्षदेखि रासायनिक मल अभाव झेल्दै आएकाले हाल आलुलगायत तरकारीजन्य बाली लगाउने समयमा पनि मल नपाए आन्दोलनमा उत्रने चेतावनीसमेत दिएका छन् ।

उनीहरुले बिहीबार पाँचखाल बजार र सदरमुकाम धुलिखेलमा मल माग गर्दै ¥यालीको आयोजना गरी ध्यानाकर्षणपत्र बुझाएका थिए । प्रजिअ पाण्डेले किसानको ध्यानाकर्षणपत्र बुझ्दै किसानको समस्याप्रति आफू निकै गम्भीर भएको र समस्या समाधानका लागि केन्द्रीय निकायमा सहजीकरण गर्ने बताए । तिहारअघि रासायनिक मल सहजरूपमा उपलब्ध रासायनिक मल आपूर्ति संघर्ष समितिका संयोजक ज्ञानबहादुर थापाले माग गरे ।