श्रीमती हत्याको अभियोगमा श्रीमान पक्राउ

४ कात्तिक, गुल्मी । आफ्नै श्रीमती हत्या गरेको आरोपमा गुल्मीको मुसिकोट नगरपालिका–७ बसेरी बस्ने ४२ वर्षीय सूर्यकुमार कुमाल पक्राउ परेका छन् ।

कुमाललाई ४० वर्षीया तालकुमारी कुमालको हत्या गरेको अभियोगमा बिहीबार दिउँसो प्रहरीले पक्राउ गरेको हो । सूर्यकुमारको कुटपिटबाट गम्भीर घाइते भएकी उनको लुम्बिनी वामी हस्पिटलमा उपचारको क्रममा मृत्यु भएको हो ।

घटनापश्चात जिल्ला प्रहरी कार्यालय गुल्मी र प्रहरी चौकी वामीबाट खटिएको प्रहरीले सूर्यकुमारलाई पक्राउ गरेको हो । कुमाललाई अदालतबाट म्रयाद थप गरी घटना सम्बन्धमा आवश्यक अनुसन्धान भइरहेको प्रहरीले जनाएको छ ।