पल शाहले कारागारमै लगाए भाइटीका

११ कात्तिक, तनहुँ । कारागारमा रहेका अभिनेता पल शाहले भाइटीका लगाएका छन् । यौन दुर्व्यवहार गरेको मुद्दामा दुई वर्ष ६ महिना सजाए पाएका शाहले कारागारमै भाइटीका लगाएको तनहुँ कारागारका निमित्त प्रमुख अधिकारीले बताए ।

शाहविरुद्ध गत फागुन ११ गते नाबालिगका बुबाले जाहेरी दिएका थिए । शाहविरुद्ध सोही प्रकृतिको जाहेरी नवलपुरमा समेत परेको थियो ।
शाहविरुद्ध परेको जाहेरीमा नवलपुर जिल्ला अदालतले गत भदौ २१ गते यौन दुर्व्यवहार गरेको मुद्दामा उनलाई दुई वर्ष छ महिना कैद सुनाएको थियो । साथै, पीडित नाकालिगलाई रु १० लाख क्षतिपूर्ति र २५ हजार जरिवाना अदालतले तोकेको छ ।

तनहुँ जिल्ला अदालतमा भने शाहविरुद्धको मुद्दा कायमै छ । मुद्दाकाे अन्तिम सुनुवाइका लागि पटकपटक पेसी तोकिए पनि स्थगित हुँदै आएको छ ।