कान्तिपुर यातायातको बस रसुवामा दुर्घटना, १५ जना घाइते

११ कात्तिक, काठमाडौं । रसुवाको जिवजिवेबाट काठमाडौंतर्फ जाँदै गरेको बस कालिकास्थान नजिक दुर्घटना हुँदा १५ यात्रु घाइते भएका छन् ।

घाइतेमध्ये ४ जना घाइतेको नुवाकोट जिल्ला अस्पताल त्रिशुलीमा उपचार हुन नसकेपछि काठमाडौंस्थित ट्रमा सेन्टरमा थप उपचारका लागि ल्याइएको छ ।

काठमाडौंमा संचालित कान्तिपुर यातायातको बा३ख ६०३५ नम्बरको बस शुक्रबार बिहान रसुवाको जिवजिवेबाट काठमाडौं जाने क्रममा कालिका गाउँपालिका २ कालिकास्थानमुनिको घुम्तीमा दुर्घटना भएको प्रहरीले जनाएको छ ।

बसभित्र रहेका अन्य घाइतेहरूलाई स्थानीय मेडिकलमा उपचार भइरहेको बताइएको छ । फरार बसका चालकको खोजी भइरहेको प्रहरीले जनाएको छ । बसमा ४० जनाभन्दा बढी सवार थिए ।