माओवादी केन्द्र, एकीकृत समाजवादी र राप्रपाको घोषणापत्र भाेलि

१३ कात्तिक, काठमाडौं । सत्तागठबन्धन दल माओवादी केन्द्र, एकीकृत समाजवादीले भोलि सोमबार चुनावी घोषणापत्र सार्वजनिक गर्ने तयारी गरेका छन् ।

एमालेसँग चुनावी गठबन्धन गरेकाे राप्रपाले ५ कात्तिकमै घोषणापत्र सार्वजनिक गर्ने बताए पनि अहिलेसम्म ल्याउन सकेको छैन । राप्रपा प्रवक्ता मोहन श्रेष्ठले सोमबार घोषणापत्र सार्वजनिक गर्ने तयारी रहेको जानकारी दिएका छन् ।

एकीकृत समाजवादीका महासचिव बेदुराम भुसालले सोमबार पार्टी अध्यक्ष माधवकुमार नेपालले घोषणापत्र सार्वजनिक गर्ने बताए । माओवादी केन्द्रले पनि सोमबारकै दिन संकल्प पत्र सार्वजनिक गर्ने भएको छ ।

राप्रपा, जसपालगायतसँग गठबन्धन गरेकाे नेकपा एमालेले भने चुनावी घाेषणापत्र सार्वजनिक गर्न सकेकाे छैन । सत्तारूढ गठबन्धनकाे प्रमुख दल नेपाली कांग्रेसले शनिबार नै चुनावी घोषणापत्र सार्वजनिक गरिसकेको छ ।