सोमबार सुन चाँदीको मूल्य स्थिर

१४ कात्तिक, काठमाडौं । नेपाली बजारमा सुन र चाँदीको भूल्य स्थिर रहेको छ । तिहारअघि बन्द भएको सुनको कारोबार आइतबार एक हजार रुपैयाँले घट्दै सुरू भएको थियो ।

तर सोमबार भने मूल्य स्थिर रहेको नेपाल सुनचाँदी व्यवसायी महासंघले जनाएको छ । महासंघका अनुसार छापावाल सुनको मूल्य तोलामा ९३ हजार रुपैयाँ छ । तेजाबी सुनको मूल्य तोलामा ९२ हजार ५०० रुपैयाँ छ । चाँदीको मूल्य पनि आज १२ सय रुपैयाँ तोकिएको छ ।