प्रधानसेनापति र अमेरिकी राजदूत थम्पसनबीच भेटवार्ता

१५ कात्तिक, काठमाडौ । प्रधानसेनापति प्रभुराम शर्मा र नेपालका लागि नवनियुक्त अमेरिकी राजदूत डिन रिचार्ड थोम्पसनले भेटवर्ता भएको छ ।

सैनिक मुख्यालय जङ्गीअड्डामा आज भएको भेटवार्तामा उनीहरुबीच दुई पक्षीय हित तथा पारस्परिक सम्बन्धका विषयमा चारविमर्श भएको सैनिक जनसम्पर्क तथा सूचना निर्देशनालयले जनाएको छ ।

सेनाले यस्ता भेटघाटले दुई देशबीचको सम्बन्धलाई सुमधुर एवं प्रगाढ तुल्याउन थप मद्दत पुग्ने विश्वास लिएको छ ।