पशुपति दर्शनमा आएका भारतीय सवार बस पल्टिँदा चालकसहित २२ जना घाइते

१७ कात्तिक, काठमाडौं । नवलपरासी बर्दाघाट सुस्ता पूर्वको गैंडाकोट नगरपालिका-९ स्थित जयश्री पुलनजिकै आज बिहान भारतीय नम्बर प्लेटको बस दुर्घटना हुँदा चालकसहित २२ जना घाइते भएका छन् ।

भारतको गुजरातबाट पशुपति दर्शनको लागि यात्रु बाेकेर काठमाडौं आउँदै गरेको भारतीय नम्बर प्लेटको बस आज बिहान सवा ५ बजे पल्टिएको थियो । घाइतेहरूलाई उपचारको लागी भरतपुर चितवन तर्फ पठाइएको इलाका प्रहरी कार्यालय गैंडाकोटले जनाएको छ ।