रवीन्द्र मिश्रले लिए भोट माग्न मनिषा कोइरालाकाे सहारा

२९ कात्तिक, काठमाडौं । राप्रपा उम्मेदवार रवीन्द्र मिश्रले मतदातासँग मत माग्न कलाकारकाे सहारा लिएका छन् । उनले बीपी पुत्री अभिनेत्री मनिषा कोइरालालाई काठमाडौं क्षेत्र नं. १ का मतदातासँग मत माग्न सँगै लिएर हिँडेका छन् । अभिनेत्री काेइराला  राप्रपा उम्मेदवार मिश्रसँगै चुनावी प्रसारका लागि मतदाताकाे घरङरमा पुगेकी छन् ।

उम्मेदवार मिश्रसँगै मंगलबार बबरमहल क्षेत्रमा घरदैलो कार्यक्रम खटिएकी हुन् । कार्यक्रममा कोइरालाले मिश्र देशभक्त र इमान्दार नेता भएको बताउदै मत दिन आग्रह गरिन् । उनले राप्रपा अध्यक्ष राजेन्द्र लिङदेन दूरदर्शी नेता भएको चर्चा गर्दै राजसंस्था पुनmस्थापना गरेर जनताका अभिभावकको रुपमा स्थापित गराउन राप्रपालाई मत दिनुपर्ने बताइन् ।

मुलुकका लागि भ्रष्टाचार र दलाल चरित्र मुख्य समस्या भएको भन्दै त्यसलाई निमिट्यान्न पनि मंसिर ४ काे चुनावमा राप्रपालाई जिताउन आग्रह गरिन् ।

यो क्षेत्रमा नेपाली कांग्रेसबाट प्रकाशमान सिंह, एमालेबाट किरण पौडेल, राष्ट्रिय स्वतन्त्र पार्टीबाट पुकार बम, पूर्वआईजी रमेश खरेल लगाउन चुनाव प्रतिस्पर्धा गर्दैछन् ।