दोलखामा झडप, ७ राउण्ड हवाई फायर

४ मंसिर, चरिकोट । कार्यकर्ताको हुल होहल्ला गर्दै मतदानस्थलमा प्रवेशको प्रयास गर्ने क्रममा रोक्दा दोलखाको जाफेकाे एक मतदान केन्द्रमा झडप भएको छ । झडपपछि स्थितिलिाई नियन्त्रणमा लिन त्यहाँ तैनाथ सुरक्षाकर्मीले ७ राउण्ड हवाई फायर गरेको छ ।

एकैपटक धेरै मतदाता होहल्ला गर्दै मतदान केन्द्रभित्र प्रवेश गर्न थालेपछि विवाद भएको थियो । अहिले मतदान रोकिएको प्रहरीले जनाएको छ ।

मतदान सुचारु गर्ने प्रयास भइरहेको जनाइएको छ । झडपबाट केही संख्यामा मानिस घाइते भएका छन् । घाइतेहरु सत्ता गठबन्धन समर्थित रहेको बताइएको छ ।