मतदानलगत्तै बेहाेस भएका ७१ वर्षीय एक वृद्धको मृत्यु

४ मंसिर, काठमाडौं । रामेछापको लिखु तामाकोसी गाउँपालिका–४ को भिमेश्वर मावि मतदान केन्द्रमा मतदान गरेलगत्तै ७१ वर्षीय ठगबहादुर सुनुवारको मृत्यु भएको छ । दम रोगबाट पीडित सुनुवार मतदान गरेलगत्तै बेहोस भएर ढलेका थिए ।

उद्धार गरी उनलाई उपचारको लागि धोवीस्थित उपचार केन्द्रमा पुर्याइएको थियो । उपचारका क्रममा उनको मृत्यु भएको गाउँपालिकाका अध्यक्ष केशव महतले जानकारी दिए ।