धादिङ २ मा एमालेभन्दा कांग्रेस ३ हजार बढी मतले अगाडि

७ मंसिर, धादिङ । निर्वाचन क्षेत्र नं. २ मा नेपाली कांग्रेसका उम्मेदवार रामनाथ अधिकारीले अग्रता कायमै राखेका छन् । सुरुवातदेखि नै अग्रता लिएका उनी निकटतम प्रतिस्पर्धीभन्दा तीन हजार मतले अगाडि छन् ।

अधिकारीले १४ हजार ९३४ मत पाउँदा एमालेका उम्मेदवार खेम लोहनीले ११ हजार ६२६ मत पाएका छन् । अधिकारीलाई माओवादी, एकीकृत समाजवादी र राष्ट्रिय जनमोर्चाको साथ छ ।

अधिकारी नेपाली कांग्रेसको धादिङ जिल्ला सभापति समेत हुन् ।