न्युरोडबाट १० तोला सुन लुट्ने गिरोह पेस्तोलसहित पक्राउ

८ मंसिर, काठमाडौं । काठमाडौंको न्युरोडबाट प्रहरीको बर्दी लगाएर १० तोला सुन लुटेरा फरार भएका गिरोहलाई पेस्तोलसहित प्रहरीले पक्राउ गरेको छ । लुटमा संलग्नताकाे आरोपमा प्रहरीले सुमन राईसहित ४ जना युवकलाई पक्राउ गरेको हो ।

अभियुक्तहरुको साथबाट १ थान पेस्तोल र गोली बरामद गरिएको जिल्ला प्रहरी परिसरले जनाएको छ । यसबारे जानकारी दिन परिसरले आजै पत्रकार सम्मेलन गर्ने तयारी गरेको छ ।

प्रतिनिधिसभा र प्रदेशसभा चुनाव अघि न्युरोडमा रहेको सुन बनाउने कारखानाबाट पुलिसको युनिफर्म लगाएर पेस्तोल भिरेर छेरेका लुटेराहरूले १० तोला सुन लुटेर फरार भएका थिए ।