कैलाली १ बाट रेशम चौधरी पत्नी रञ्जिता विजयी

८ मंसिर, धनगढी । कैलाली निर्वाचन क्षेत्र नं. १ बाट प्रतिनिधिसभा सदस्यमा रञ्जिता श्रेष्ठ चाैधरी विजयी भएकी छन् ।नागरिक उन्मुक्ति पार्टीका उम्मेदवार श्रेष्ठले सत्ता गठबन्धनको समर्थनमा उम्मेदवार बनेका नेपाली कांग्रेसका नेता रामजनम चौधरीलाई १२ हजार मतान्तरले हराएकी छन् ।

बिहीबार सम्पन्न प्रतिनिधिसभातर्फको मत गणनाअनुसार श्रेष्ठले ३० हजार ४०४ मत ल्याइन् भने निकटतम प्रतिद्धन्दी चौधरीले १८ हजार ८१ मत मात्र प्राप्त गरेका छन् । नेकपा (एमाले)का तपेन्द्र रावल भने ५ हजार ९१० मतमै सीमित भएका छन् ।

एक लाख ६७ हजार ७०३ मतदाता रहेका यस क्षेत्रमा ६४ हजार ९९९ मत खसेको थियो । जसमध्ये ३ हजार २६८ मत बदर भएका छन् ।