ओलीले प्रचण्डलाई फोनमै भने- मिलेर अघि बढौं

८ मंसिर, काठमाडौं । नेकपाा (एमाले)का अध्यक्ष केपी ओलीले माओवादी अध्यक्ष पुष्पकमल दाहाल ‘प्रचण्ड’लाई फोन गरेर मिलेर अघि बढ्ने प्रस्ताव गरेका छन् ।

झापा आफ्नो निर्वाचन क्षेत्रमा रहेका ओलीले बिहीबार दिउँसो प्रचण्डलाई टेलिफोन गर्दै यस्तो प्रस्ताव गरेका हुन् ।

नेकपा विभाजनपछि ओलीको यो फोन प्रचण्डलाई पहिलोपटक हो । यसअघि पानी बाराबारको अवस्थाबाट गुज्रँदै आइरहेका दुवै शीर्ष नेताहरुबीच हालै सम्पन्न आम निर्वाचन परिणामले टेलिफोन कुराकानीमा पुर्याएको हो ।

चुनावबाट कुनैपनि दलको स्पष्ट बहुमत नआउने निश्चित भएपछि मुख्य दलहरु कांग्रेस, माओवादी केन्द्र, एमाले लगायतका शीष नेताहरु सरकार गठनको कसरतमा गुपचुप लागेका छन् ।

ओलीको फोनबारे प्रचण्डका तर्फबाट केही बताइएको छैन ।