काभ्रेपलाञ्चोक १ (क)मा माओवादी केन्द्रका ढकल विजयी

८ मंसिर, काठमाडाैं । प्रतिनिधिसभा क्षेत्र नं १ प्रदेशसभा (१) को सदस्यमा नेकपा (माओवादी केन्द्र)का रत्न ढकाल विजयी भएका छन् ।

आइतबार सम्पन्न प्रतिनिधिसभा तथा प्रदेशसभा निर्वाचनको मतगणनामा नौ हजार चार सय ४२ को भारी मतान्तरसहित ढकाल विजयी भएका हुन् ।

बागमती प्रदेशका युवा तथा खेलकुदमन्त्रीसमेत रहेका ढकालले २० हजार सात सय २० मत प्राप्त गरेका छन् ।

उनका निकटतम प्रतिद्वन्द्वी नेकपा (एमाले)का उम्मेदवार दिलबहादुर तामाङ ‘दिलीप’ले ११ हजार दुई सय ७८ मत प्राप्त गरेका छन् । २०७४ सालको निर्वाचनमा ढकाल सोही निर्वाचन क्षेत्रबाट विजयी भएका थिए ।

ढकाल विद्यार्थी राजनीतिबाट आएका नेता हुन् ।