बाजुरा र स्याङ्जाको मतगणना विवादमा आयोग बन्यो अनिर्णयको बन्दी
नेपालबहस संवाददाता
मंसिर १४, २०७९ बुधबार १८:२२:५४
१४ मंसिर, काठमाडौं । स्याङ्जा २ र बाजुराको निर्वाचन सम्पन्न भएको १०औं दिनसम्म पनि निर्वाचन आयोगले ठोस निर्णय गर्न सकेको छैन ।
मतदान भई सिलबन्दी मतपेटिका निर्वाचन अधिकृतलाई बुझाइसकेको अवस्थामा प्रमुख दलहरु एमाले र कांग्रेसले एक अर्कामाथि धाँधलीको आरोप लगाइरहेको विषयमा आयोग ठोस निर्णय लिन नसक्दा अनिर्णयको बन्दी बनेको हो ।
दुई ठाउँको स्थलगत टोलीले प्रतिवेदन पेश गरेपछि त्यसमाथि मंगलबार साँझ अबेरसम्म छलफल गरेका आयोगका पदाधिकारीहरुले कुनै निर्णय गर्न सकेनन् । पुनः छलफलमा जुटने बताएका छन् ।
स्याङजा २ मा एमालेले कांग्रेसमाथि चापाकोटका केही मतदान केन्द्रमा मरेका र देशबाहिर रहेका मानिसहरुको नाममा समेत मतदान गरेको आरोप लगाएको छ । उसले अहिलेसम्मका प्रक्रिया रद्द गरेर फेरि मतदान हुनुपर्ने मागबाट अडान छाडेको छैन । बाजुरामा बुढीनन्दाको मतदान केन्द्रमा भएको झडपमा प्रहरीको गोली लागी एमालेनिकट अनेरास्ववियूका नेताको मृत्यु घटनाको छानबिन र दोषीलाइ कारबाही गर्नुपर्ने र ती मतदान केन्द्रहरूमा पुनः मतदान हुनुपर्ने माग एमालेको छ । झडपपछि त्यहाँ मतदान स्थगित छ ।
स्याङजा र बाजुराको विषयमा कांग्रेसको केन्द्रीय नेतृत्वको छुट्टाछुट्टै टोलीले प्रमुख निर्वाचन आयुक्तलाई ज्ञापनपत्र बुझाउँदै तत्काल मतगणना सुरु गर्न माग गरेको छ ।
स्याङजामा मतदान र मतदानपछि सबै प्रक्रिया टुंगिएर मतदान अधिकृतले मतपेटिका समेत बुझेको र त्यसरी बुझाउँदा प्रमुख दलका प्रतिनिधिहरुले रोहवरमा हस्ताक्षर समेत गरेको भन्दै कांग्रेस मतगणना शुरु गर्नुपर्ने पक्षमा कांग्रेस रहेको छ । स्याङजामा आयोगले पठाएको सहसचिव फणिन्द्र गौतमको नेतृत्वमा जाँचबुझ टोलीले प्रतिवेदन तयार पारिसकेको अवस्था छ ।
तर स्थलगत टोली पठाउने विषयमा आयोगका पदाधिकारीहरुबीच नै राय बाझिएको अवस्था छ । स्याङजामा आयोगका आयुक्तहरु नै पुनः मतदान गर्ने र नगर्ने दुई कित्तामा बाँडिएका छन् । सोही कारण मतगणना गर्ने कि फेरि मतदान गर्ने भन्नेबारे निर्णय हुन सकेको छैन।
बाजुरामा बुढीनन्दाका बाहेक अन्यत्रको मतपेटिका संकलन गरेर मुख्य निर्वाचन अधिकृतलाई बुझाइसकिएको छ । त्यहाँ कांग्रेस र एमालेले नै एक अर्कामाथि बुथ क्याप्चरको आरोप लगाउँदै केही ठाउँमा फेरि मतदान हुनुपर्ने माग गरेका छन् । तर मतदान हुनुपर्ने भनिएका ठाउँहरु भने अलग अलग छन् ।
मतदानमा भएको विवादका कारण दोलखामा पनि मतगणना प्रक्रिया अवरुद्ध थियो । यी ठाउँमा अध्ययन गर्न आयोगले सहसचिवहरु तुलसीप्रसादको नेतृत्वमा टोली पठाएको थियो । दोलखाको हकमा आयोगले यही मंसिर १५ मा पुनः मतदान गर्ने निर्णय गरिसकेको छ । भोलि पुनः मतदान हुँदैछ ।
निर्वाचन आयोगका प्रवक्ता शालिग्राम शर्मा पौडेलले, निर्वाचन प्रक्रिया रोकिएका स्याङजा र बाजुरामा पनि टोलीको प्रतिवेदनको आधारमा निर्णय हुने बताएका छन् ।
यस्तो अवस्थाबीच नेकपा (एमाले)का अध्यक्ष केपी शर्मा ओलीले आयोगका प्रमुख आयुक्त दिनेश थपलियालाई स्याङजा र बाजुरामा पुनः मतदानको व्यवस्था गर्न दबाब दिन छाडेका छैनन् । पुनः मतदानको प्रक्रियामा नलगेमा महाभियोगको सामनाका लागि तयार रहन समेत ओलीले निवासमै बोलाएर चेतावनी दिएका छन् । थपिलयालाई ओलीले आफू प्रधानमन्त्री छँदा प्रमुख आयुक्त नियुक्त गरेका थिए ।
स्याङजामा सत्ता गठबन्धनका उम्मेदवार कांग्रेस उपसभापति धनराज गुरुङ र बाजुरामा नेता बद्री पाण्डे छन् भने एमालेबाट स्याङमा सचिव पद्मा अर्याल र बाजुरामा नेता कर्णबहादुर थापा छन् ।
मंसिर ४ मा मतदान भएको यस क्षेत्रमा यतिका दिन बित्दा समेत आयोग कुनै निर्णयमा पुग्न नसकेर अनिर्णयको बन्दी बनेबाट आयोगको कार्यक्षमतामाथि नै प्रश्न उठाउन थालिएको छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपइलाममा एकीकृत समाजवादी र राप्रपाको लज्जास्पद हार, झलनाथ थिए चुनावी कमाण्डर !
बैशाख १८, २०८१ मंगलबार
इलाम–२ मा रास्वपाको जमानत जफत
बैशाख १८, २०८१ मंगलबार
इलाम- २ मा एमालेका सुहाङ नेम्वाङ विजयी
बैशाख १८, २०८१ मंगलबार
अवनतिको बाटो फेर्न लागेको राजनीति र सुरक्षा चासो
सुबोधकुमार अधिकारी
जेठ ४, २०८१ शुक्रबार
विद्यार्थी मृत फेला परेपछि आक्रोशित भिडद्वारा स्कुलमा आगलागी
नेपालबहस संवाददाता
जेठ ४, २०८१ शुक्रबार
डीआईजी बढुवाको छलाङले प्रहरीमा चरम नैराश्यता, विवादको घेरामा लामिछाने
जेठ ५, २०८१ शनिबार
तपाईको आजको राशीफल कस्तो छ ?
जेठ ६, २०८१ आइतबार
ताइवानको संसदमा सांसदहरुबीच हानाहान !
जेठ ५, २०८१ शनिबार
रुडुबन्चु प्रचारप्रसार र संरक्षण अभावले ओझेलमा
जेठ ६, २०८१ आइतबार
कार्यदलको बैठक छाडेर संसदीय दलको कार्यालयमा आए कार्की र परियार
जेठ ६, २०८१ आइतबार
झापाको बिरिङ र निन्दामा बाढी मापन तथा पूर्व सूचना प्रणाली जडान
जेठ ६, २०८१ आइतबार
राष्ट्रियसभाको बैठक पनि दुई घण्टाका लागि सर्यो
जेठ ६, २०८१ आइतबार
सामूहिक कृषिमा महिलाको आकर्षण बढ्दो
जेठ ६, २०८१ आइतबार
दुःखबाट मुक्ति पाउन मोहिनी एकादशी पर्व मनाइँदै
जेठ ६, २०८१ आइतबार