काठमाडौं उपत्यकाका अनधिकृत संरचना हटाउन प्राधिकरणको निर्देशन

१९ मंसिर, काठमाडौं । काठमाडौं उपत्यका विकास प्राधिकरणले काठमाडौं उपत्यकाभित्रका अनधिकृत संरचना हटाउन निर्देशन दिएको छ ।सरकारी, पर्ति, ऐलानी तथा खोलाको मापदण्ड बमोजिमका जग्गालाई अतिक्रमण गरी निर्माण गरिएका अनाधिकृत संरचना ३५ दिनभित्र खाली गरेरर जानकारी दिन निर्देशन दिएको हो ।

उपत्यकाका नगरहरूको पुनर्निर्माण, विकास र विस्तार मार्फत काठमाडौं उपत्यकालाई व्यवस्थित गर्ने उद्देश्यले अतिक्रम गरिएको संरचना हटाउन निर्देशन दिएको जनाइएको छ ।

निर्देशन अनुसार नहटाएमा उक्त अतिक्रमण गरी निर्माण गरिएका संरचना प्राधिकरणले हटाई सो हटाउँदा वा भत्काउँदा लागेको खर्च सम्बन्धित व्यक्ति वा संस्थाबाट असुल उपर गरिने प्राधिकरणको चेतावनी छ ।