छोरी भेट्न गएकी महिलाको अस्पतालबाट खसेर मृत्यु

२३ मंसिर, पाेखरा । पोखरा महानगरपालिका-११ फुलबारीस्थित मणिपाल शिक्षण अस्पतालबाट खसेर एक महिलाको मृत्यु भएको छ ।मुटुसम्बन्धी बिरामी भएर भर्ना भएकी छोरी पूर्णकुमारीलाई भेट्न गएकी पोखरा-१८ सराङकोटकी अन्दाजी ६५ वर्षीय धनसरी घर्तीको मृत्यु भएकाे हाे ।

तीन दिनदेिख छाेरी पूर्णकुमारी मणिपालमै उपचाररत थिइन् । छोरी भेट्न गएकी धनसरी मणिपाल शिक्षण अस्पतालको निर्माण कार्य भइरहकाे तेस्रो तलाबाट खसेर घाइते भएकी उनको तत्कालै मृत्यु भएको प्रहरीले जनाएको छ ।

अस्पताल व्यवस्थापनले भने अस्पतालमा पुनर्निर्माणको काम भइरहेको र उनी किन छेऊतिर गइन् भन्ने बुझ्न नसकिएको जनाएको छ ।

अस्पताल प्रशासन र पीडित परिवारबीच अहिले वार्ता चलिरहेको छ । घटनाको अनुसन्धान भइरहेको जिल्ला प्रहरी कार्यालयले जनाएकाे छ । घटना हाम पफालेर भएकाे हाे या दुर्घटना हाे भन्नेबारे अनुसन्धानपछि मात्र भन्न सकिने प्रहरीकाे भनाइ छ ।