इतरसमूहबाट शेखरलाई दलको साझा उम्मेदवार बनाउने पहल सुरु

३ पुष, काठमाडौं । प्रधानमन्त्रीसमेत रहेका सभापति देउवाले नेपाली कांग्रेसमा संसदीय दल नेताको चुनाव गराउने तयारी गरेपछि संस्थापन इतरसमूहले नेता डा.शेखर कोइरालालाई साझा उम्मेदवारका रुपमा अगाडी सार्ने तयारी गरेको छ । संस्थापन इतरसमूहबाट साझा उम्मेदवार बनाउनका लागि नेताहरु एक आपसको छलफलमा जुटेका छन् ।

इतरसमूहको साझा उम्मेदवारका लागि कांग्रेस उपसभापति धनराज गुरुङलगयतका नेताहरु विहानैदेखि छलफलमा रेको बताइएको छ । गुरुङले गण्डकी र लुम्बिनी प्रदेशका नेताहरुसँग इतरसमूहबाट डा. शेखरलाई साझा उम्मेदवार बनाउनुपर्ने भन्दै भेटघाट बढाएका छन् ।

यसै प्रशंगमा नेपाली कांग्रेसका उपसभापति धनराज गुरुङ र कांग्रेस लुम्बिनी प्रदेशका सभापति अमरसिंह पुनवीच पनि आज छलफल भएको छ । इतरसमूहबाट डा. शेखर र महामन्त्री गगनकुमार थपा आकांक्षी छन् । उनीहरुबीचमा पनि सहमति कायम गराउने प्रयास सुरु भएको छ ।

छलफलमा भरसक डा. कोइरालाका पक्षमा माहोल बनाउने गरी थापासँग इतरसमूहका सबै नेता बसेर कुराकानी गर्नुपर्ने सुझाव आएको नेताहरुले बताएका छन् । अहिलेको छलफल संसदीय दलको निर्वाचनको बारेमा केन्द्रित रहेको लुम्बिनी कांग्रेसका सभापति पुनले नेपाल बहसलाई जानकारी दिए । उनले संसदीय दलको नेतृत्वको लागि संस्थापन इतर समूहबाट साझा उम्मेदवार बनाएर अगाडि बढ्न सबैसँग आग्रह गरिएको बताए ।

पुनले संसदीय दलको नेता जो आए पनि कांग्रेसबाटै आउने भएकाले आफुले यो र उ पक्षको नभने पनि आफ्नो समूहलाई एक बनाउनका लागि पनि छलफल हुन अवश्यक रहेको बताए । उनले संस्थपन समूहबाट पनि साझा उम्मेदवार नै आउने भएकाले हाम्रो पक्षबाट पनि साझा उम्मेदवार जाओस भन्ने आफ्नो व्यक्तिगत धरणा रहेको बताए । एक समूहबाट एक उम्मेदवार र अर्को समूहबाट धेरै उम्मेदवार हुँदा बाहिर राम्रो संदेश नजाने उनको भनाइ छ ।

साझा उम्मेदवार दिन सकेमा मात्र समूह र कांग्रेस बच्नेमा सभापति पुनले जोड दिए । उनले राष्ट्रिय राजनीति, संघ र प्रदेश सरकार गठन लगायतका विषयमा पनि एकसाथ छलफल हुनुपर्ने बताए । इतर समूहबाट डा. शेखर कोइराला र महामन्त्री गगन थापा दलको नेतामा प्रतिस्पर्धा गर्ने तयारीमा छन् । दुबै नेताले प्रस्पिर्धा गर्दा इतरसमूहकै भोट काटिने भन्दै सझा उम्मेदवारका लागि छलफल चलाइएको हो ।