प्रि-ओपन सेसनमा नेप्से ७.८५ अंकले उकालो

१३ पुष, काठमाडौं । प्रि-ओपन सेसनमा मंगलबार नेप्से सूचक ७.८५ अंकले उकालोे लागेको छ । यससँगै सूचक १९९१.८० विन्दुमा आएको छ । २८ कम्पनीको कुल ३ हजार ६८२ कित्ता शेयर खरिदबिक्री भएको र १३ लाख १३ हजार ६१२ रुपैयाँको शेयर कारोबार भएको छ ।

यो सेसनमा कुल २२ कम्पनीमा उकलो लागेको छ भने जम्मा एकको मूल्य घटेको र ५ कम्पनी स्थिर रहेको छ । यता, १३ उपसूचकहरूमध्ये ५ कम्पनीमा कुनै पनि परिवर्तन भएको छैन । बाँकी सबै कम्पनीहरूमा हरियाली छाएको छ ।