गण्डकीका ५९ सांसदलाई आज शपथ गराइँदै

१४ पुस, पोखरा । गण्डकी प्रदेशमा मंसिर ४ को निर्वाचनमा चुनिएका सांसदहरुलाई बिहीबार शपथ गराइँदैछ । आज उनीहरुलाई संसद सचिवालय नदीपुरमा जेष्ठ सदस्य मित्रलाल बस्यालले सपथ गराउने कार्यक्रम राखिएको छ । यसअघि बुधबार नै बस्याललाई प्रदेश प्रमुख पृथ्वीमान गुरुङले सपथ गराएका थिए ।

गण्डकीमा कांग्रेसका २७, एमालेका २२, माओवादीका ८, राप्रपाका २ र एकीकृत समाजवादीका १ जना सांसद छन् । नयाँ सांसद मध्ये २ जना बहालवाला मन्त्री छन् । कांग्रेस र एमालेले गण्डकीमा दलको नेता पनि चयन गरिसकेका छन् ।

कांग्रेसले चुनावी प्रतिश्पर्धाबाट सुरेन्द्र पाण्डेलाई नेतामा निर्वाचित गरेको छ भने एमालेले सर्वसम्मत रुपमा खगराज अधिकारीलाई दलको नेता बनाएको छ । माओवादीले भने अहिलेसम्म दलको नेता टुंग्याएको छैन ।