सर्वोच्चको आदेशमा जंगी अड्डा पुगेका उपरथी प्रेम शाही सैनिक प्रहरीको हिरासतमा

१९ पुष, काठमार्डाैं । सर्वोच्च अदालतको आदेशपछि नेपाली सेनाको मुख्यालय पुगेका उपरथी प्रेम शाहीलाई सैनिक प्रहरीले नियन्त्रणमा लिएको छ ।

उपरथी शाहीले आफ्नो पदावधि एक वर्ष बाँकी रहेको मुद्दामा सर्वोच्च अदालबाट आदेशपत्रसहित मुख्यालय जंगी अडडा जाने क्रममा उनलाई सेनाको प्रहरीले मंगलबार नियन्त्रणमा लिएको हो ।

आफ्नो उमेर एक वर्ष बढाएको विषयमा उनले जंगी अड्डा र रक्षा मन्त्रालयविरूद्ध सर्वोच्च अदालतमा रिट दायर गरेका थिए । सुनुवाइपछि उनको पक्षमा रिट जारी भएको थियो । सोही आधारमा उनी पुनः काममा जाने क्रममा नियन्त्रणमा लिइएको हो ।

उनले उमेर हदका कारण  यही पुष २० मा अवकाशमा जाँदै थिए । तर आदेशले उनको कार्यकाल एक वर्ष थप भएको छ । मुख्यालय र रक्षा मन्त्रालयले उमेर बढाएकाे उनकाे जिकिरलाइ सर्वाेच्चले मान्यता दिएकाे छ ।

तर उपरथी शाहीलाई आर्थिक अनियमितता गरेको आरोपमा नियन्त्रणमा लिएको सैनिक प्रवक्ता सहायक रथी कृष्ण भण्डारीले बताए । शाहीले सेनाबाट अवकासको पत्र समेत बुझिसकेकोे उनको दाबी छ । शाहीमाथि संगठनको अनुशासन उल्लंघनबारे पनि अनुसन्धान हुने बताएका छन् ।

शाहीलाई वीरेन्द्र सैनिक अस्‍पताल छाउनी पुर्याएर स्वास्थ्य परीक्षण गराइरहेको उनले बताए ।