एमालेका फरार सांसद महतोलाई पक्राउ गर्न निर्देशन

२७ पुष, काठमाडौं । कर्तव्य ज्यान मुद्दाका फरार नेकपा (एमाले)का सांसद लक्ष्मी महतो कोइरीलाई पक्राउ गर्न प्रहरीलाई निर्देशन दिइएको छ ।

बुधबार राष्ट्रिय प्रजातन्त्र पार्टीले आयोजना गरेको चियापान कार्यक्रममा पत्रकारहरुको प्रश्नको जवाफ दिँदै गृहमन्त्री रबि लामिछानेले फौजदारी मुद्दाका आरोपी सांसद महतोलाई पक्राउ गर्न प्रहरीलाई निर्देशन दिइसकेको बताए ।

मंगलबार प्रधानमन्त्री पुष्पकमल दाहाल ‘प्रचण्ड’ले विश्वासको मत लिँदा सांसद कोइरी प्रतिनिधिसभा बैठकमा सहभागी भइ विश्वासको मत दिएका थिए । त्यसपछि उनी फरार भएका थिए ।

मधेश आन्दोलनका क्रममा नेपाल प्रहरीका असई थमन विकलाई घाइते अवस्थामा एम्बुलेन्सबाट निकालेर हत्या गरेको घटनामा दायर मुद्दामा कोइरीविरुद्ध वारेन्ट जारी छ । फरार सूचीमा राखेर उनलाई प्रहरीले खोजी गर्दै आइरहेको छ ।

कोइरी गएको मंसिर ४ मा सम्पन्न प्रतिनिधिसभ निर्वाचनमा महोत्तरी १ बाट माओवादी केन्द्रका गिरिराजमणि पोखरेललाई पराजित गर्दै संघीय सांसद निर्वाचित भएका थिए ।

यस्तै भ्रष्ट्रचार मुद्दामा तानिएका नेपाली कांग्रेसका संंघीय सांसद टेकबहादुर गुरुङ भने विश्वासको मत आएनन् । गुरुङ र कोइरीलाई नेपाल प्रहरी र अख्तियार दुरुपयोग अनुस्न्धान आयोगले संघीय संसद सचिवालयलाई पत्र लेखेर सांसदको भूमिका कूनैपनि कार्यक्रममा सहभागी नगराउन भनिसकेको छ ।