सन्दीप लामिछानेको रिटमा उच्च अदालतमा सुनुवाइ सकियो

२८ पुष, काठमाडौं । नेपाली राष्ट्रिय क्रिकेट टोलीका पूर्वकप्तान सन्दीप लामिछानेको रिट निवेदनमािथ पाटन उच्च अदालतमा सुनुवाइ सकिएको छ।

यसअघि ३ पटक पेशी चढे पनि सुनवा‍इ हुन सकेको थिएन । बिहीबारको पेशीमा भने सुनुवाइ भएको हो । सुनुवाइ न्यायाधीश ध्रुवराज नन्द र रमेश ढकालको संयुक्त इजलासमा भएको छ ।

सन्दीप नाबालिग बलात्कारको मुद्दा पुर्पक्षका लागि जिल्ला अदालत काठमाडौंको आदेशले गत कार्तिक १८ गतेदेखि केन्द्रीय कारागारमा थुनामा छन् । काठमाडौं जिल्ला अदालतले पुर्पक्ष थुनामा पठाउन दिएको आदेशविरुद्ध सन्दीप उच्च अदालत पुगेका हुन् ।

उनको रिटमा अधिवक्ताहरू शम्भु थापा, रमन श्रेष्ठ, कृष्ण भण्डारी, मुरारी सापकोटालगायतले बहस गरेका छन् ।

लामिछानेद्वारा भदौ ५ गते राति काठमाडौंको एक होटलमा बलात्कृत भएकी भनिएकी नुवाकोटकी नाबालिगले दिएको जाहेरीले असोज २० गते प्रहरीले त्रिभुवन विमानस्थलबाट लामिछानेलाई पक्राउ गरिएको थियो ।