मधेशमा माओवादी केन्द्र संसदीय दलको नेतामा पुनः भरत साह

२९ पुष, जनकपुरधाम । मधेश प्रदेश माओवादी केन्द्र संसदीय दलको नेतामा भरतप्रसाद साह निर्वाचित भएका छन् ।

दलका नेताको लागि आज चुनाव भएको थियो । भरत ६ मत पाउँदै संसदीय दलको नेता चुनिए । अर्का प्रत्यासी युवराज प्रसाद भट्टराईले ३ मत पाए ।

मधेश प्रदेश सभामा माओवादी केन्द्रका ९ सांसद छन् । भरत साह यसअघिका प्रदेशसभामा पनि माओवादी केन्द्रबाट संसदीय दलको नेता थिए ।