लुम्बिनीमा सभामुख र उपसभामुखको निर्वाचन माघ ३ गते

२९ पुष, दाङ । लुम्बिनी प्रदेशमा प्रदेशसभाको सभामुख र उपसभामुखको निर्वाचन माघ ३ गतेका लागि तय गरिएको छ ।

प्रदेशसभा सचिवालयले माघ २ गते सोमबार सभामुख र उपसभामुख पदमा निर्वाचित गरियोस् भन्ने प्रस्तावको सूचना दर्ता गर्ने कार्यतालिका सार्वजनिक गरेको छ । सोही दिन साढे ५ बजे उम्मेदवारहरूको सूची प्रकाशन गर्ने कार्यतालिका छ ।

माघ ३ गते मंगलबार सभामुख र उपसभामुख चयनको कार्यसूची प्रदेशसभा सचिवालयले शुक्रबार प्रकाशित गरेको छ ।