पृथ्वी जयन्तीमा गरिएकाे गिरफ्तारीप्रति आङकाजीको आक्रोश, धर्म निरपेक्षा मोर्चा बनाउने चेतावनी

२९ पुष, काठमाडौं । आदिवासी जनजाति नेता आङकाजी शेर्पाले आफूलाई पृथ्वी जयन्तीमा गिरफ्तार गरेको भन्दै आक्रोश व्यक्त गरेका छन् । उनले एक अनलाई टिभीसँगको अन्तर्वार्तामा गिरफ्तारीको निन्दा गर्दै गृहमन्त्री रबि लामिछानेको नामै लिएर गोली गलौजमा उत्रेका छन् । साथै उनले बिहीबार गृहमन्त्री लामिछाने र पृथ्वीनारायण शाहको तस्बिर जलाएका छन् ।

उनी आफू नियमित काममा गइरहेका बेला पुष २७ गते (पृथ्वी जयन्ती)का दिन प्रतिशोधपूर्ण तरिकाले गिरफ्तार गरिएको भन्दै आपत्ति जनाए । सामन्ती र भाषा–धर्म अतिक्रमणकारीको जयन्ती नमनाउन पाउनुपर्ने उनको भनाइ छ । उनलाई प्रहरी हेडक्वाटरबाट खटिएका सादा प्रहरी टोलीले बुधबार बिहान १० बजेतिर गौशाला चोकबाट घेरा हालेर गिरफ्तार गरी साँझ ७ बजेसम्म बेपत्ता अवस्थामा हिरासतमा राखिएका थिए । गिरफ्तारपछि आफ्नो गाडी, मोवाइल कब्जामा लिई सम्पकीविहीन अवस्थामा पुर्याएकाे उनको भनाइ छ । ‘गोली ठोकेर मार्या भए आङकाजीबारे सत्य समाचार बाहिर आउने थिएन’ उनले भनेका छन् ।

विगतमा राजतन्त्र फाल्ने बेला राजाका शालिक भत्काउने र विरुद्धमा नारा लगाउनेहरुलाई समेत हत्कडी नलागेको भन्दै आफूलाई हत्कडी लगाएर गुपचुप रुपमा घण्टौं राखेको उनले बताएका छन् । आफ्ना पुर्खाहरुको निर्मम दमन गरेर धर्म, कर्म र भाषामाथि अतिक्रमण गरी हिन्दू राज्य बनाउने काम पृथ्वीनारायणल गरेको र यसबाट देशभित्र आफूहरुको भाषा, धर्म र संस्कृतमाथि प्रहार भइरहेको बताए । उनले गणतन्त्रका सरकारले पृथ्वीनारायण शाहको जन्मदिनमा सार्वजनिक बिदा दिएर बहुभाषिक, बहुधार्मिक र बहुसँस्कृतिमाथि अपमान गरेको उनको भनाइ छ ।

भाैगाेलिक एकीकरण गर्दैमा राज्य एकीकरण हुन नसक्ने उनको तर्क छ । पृथ्वीनारायण शाहको औला ठट्याएको शालिकप्रति पनि उनले असहमत जनाएका छन् । राष्ट्रियता एकताका लागि एउटा औंला ठट्याएको काल्पनिक शालिक बनाएको आरोप लगाए । उनले संघीयता मोर्चा र धर्म निरपेक्षा मोर्चा गठन गर्ने बताउँदै एक आङकाजीलाई थन्दा हजारौं आङकाजी जन्मिएको बताए ।

सरकारले दमन र अभिव्यक्ति स्वतन्त्रमाथि दमन गरिए आगामी दिनमा आन्दोलन छेड्ने चेतावनी दिए । गणतन्त्र, धर्म निरपेक्षा र संघीयतामाथि धावा बोल्ने भएमा मोर्चाले प्रतिवाद गर्ने उनले बताए । उनले मन्त्री बनेपछि ‘अति हिन्दूवादी’ चरित्र देखाएकाे भन्दै गृहमन्त्री लामिछाने र पुर्खाका ‘हत्यारा’ पृथ्वीनारायणको तस्बिरलाइ थुकेर जलाएका छन् ।