नगरपालिकाद्वारा अपांगता नियमावली पारित

३० पुष, मुगु । जिल्लाको छायाँनाथ रारा नगरपालिकाले ‘अपांगता नियमावली ०७९’ पारित गरेको छ । फरक क्षमता अर्थात अपा।गता भएका व्यक्ति सधैँ उपेक्षामा पर्ने हुँदा उनीहरूको समस्या समाधान गर्न नगरपालिकाले नियमावली पारित गरेको हो ।

नगरपालिकाको १२औँ विधेयक नगरसभाले अपांगता नियमावली ०७९ नीति नियमावली पास गर्नुका साथै अपांगता भएका व्यक्तिहहरूको सहज पहुँच बनाउने नीति अबलम्वन गरेको नगरपालिकाका नगर प्रमुख विष्णुकुमार भामले बताए ।

नगरप्रमुख भामका अनुसार समाजमा अपहेलित भएर बसेका अपाङ्गता भएकाहरूलाई भावी दिनमा जीविकोपार्जन गर्ने हेतुले नगरपालिकाले अपांगता नीति नियमावली ०७९ सभाबाट बहुमतले पास भएको जानकारी दिए ।