विमान दुर्घटनाको छानबिन गर्न ५ सदस्यीय जाँचबुझ आयोग गठन

१ माघ, काठमाडौं । आइतबार बिहान भएको पोखरा विमान दुर्घटनाको जाँचबुझ  गर्न सरकारले ५ सदस्यीय आयाेग समिति गठन गरेको छ ।

दुर्घटनापछि  प्रधानमन्त्रीको सरकार निवास बालुवाटारमा आइतबार बसेको मन्त्रिपरिषद्को आकस्मिक बैठकले आयाेग गठन गरेको हो । बैठकले पूर्व सचिव नागेन्द्र घिमिरेको अध्यक्षतामा  दुर्घटना जाँच आयोग गठन गरेको सरकारका प्रवक्ता एवं अर्थमन्त्री जिष्णु पौडेलले जानकारी दिए ।

घिमिरे संयोजक रहेकाे आयाेगमा हवाई विज्ञ पूर्वउपरथी दीपक प्रसाद वास्तोला, हवाई विज्ञ सनिलविक्रम थापा अवकाशप्राप्त क्याप्टेन, हवाई मेन्टिनेन्सविज्ञ टेकराजजंग थापा सदस्य र आयोग सदस्य सचिव पर्यटन सचिव बुद्धिसागर लामिछाने रहेका छन् । आयाेगलाई प्रतिवेदन तयार पर्ने समय ४५ दिन दिएको छ ।

काठमाडौंबाट उडेको २० मिनेटमा विमान दुर्घटनामा परेको थियो । विमानन ५३ नेपाली, १५ विदेशी यात्रु, चालक दलका ४ जनासहित ७२ जना सवार थिए ।

दुर्घटनामा परेका विमान क्षतिग्रष्त भएकाे छ । विमानमा भएकाे आगलागी दमकलकाे सहायतामा आगाे निभाएकाे थियाे ।  अवशेष संकलन जारी छ । निरीक्षणका लागि प्रधानमन्त्री प्रचण्ड पाेखरा जाँदैछन् ।

यस्तै बैठकले त्रिभुवन अन्तर्राष्ट्रिय विमानस्थलमा कल सेन्टर स्थापना गर्ने निर्णय गरेको छ । यति एयरलाइन्स प्रालिकाे ९एन-एएनसी विमान बिहान खसेकाे थियाे ।