विमान दुर्घटना : मृत्यु भएकाको शव पाेष्टमार्टमपछि सनाखत थालियाे, ५ जनाकाे सनाखत

१ माघ, पोखरा । आइतबार यती एयरको विमान दुर्घटनामा परेर ज्यान गुमाउनेहरूको शवको पोष्टमार्टमपछि सनाखतको काम सुरु भएको छ ।

विमान दुरर्घटनामा मृत्यु भएकाहरुको शव दुर्घटनास्थलबाट पोखरा स्वास्थ्य विज्ञान प्रतिष्ठान अन्तर्गतको गण्डकी मेडिकल कलेजमा लगिएको थियो ।

विमानमा रहेका यात्रुको शव आफन्त तथा परिवारका सदस्यलाई देखाएर शवको सनाखत गर्न लागिएको अस्पताल प्रशासनले जनाएको छ ।

सेती खोचमा खसेको विमानबाट ३२ वटा शव निकालेर अस्पताल पुर्‍याएको छ । दुर्घटनास्थल सेती खोंचमा ३४ वटा भेटिएको र असपताल सनाखतका लागि लैजाने क्रम जारी रहेको जिल्ला प्रहरी कार्यलयले जनाएको छ । शव धेरैजसाे नचिनिने अवस्थामा रहेकाे जनाइएकाे छ ।

मृतकमध्ये ५ जनाको सनाखत भएको जिल्ला प्रहरी कार्यालय कास्कीले जनाएकाे छ । लक्ष्मी पौडेल, सुशील श्रेष्ठ, संगीता शाही, निशान्त आचार्य र सदारत अलिमियाको सनाखत भएको हाे ।

शव पहिचानका लागि मृतकका आफन्तहरु पाेष्टमार्टम भवन बाहिर जम्मा भएका छन् । विमान चार ज्ना चालक दलका सदस्यसहित ७२ जना सवार थिए ।

ज्यान गुमाएका परिवारका सदस्यहरु शोकमा डुबेका छन् । आफन्तको मृत्युले उनीहरु बोल्न समेत सकेका छैनन् ।