लुम्बिनीमा सत्ता गठबन्धनले टुंग्यायो सभामुख र उपसभामुख उम्मेदवार

२ माघ, बुटवल । लुम्बिनी प्रदेशको सभामुख र उपसभामुख पदका लागि उम्मेदवार दिनेबारे सत्तारुढ दलहरुबीच सहमति भएको छ । पदमा एमाले, माओवादी केन्द्र र राष्ट्रिय प्रजातन्त्र पार्टीबीच सहमति भएको हो ।

सहमतिअनुसार सभामुखमा नेकपा माओवादी केन्द्रका तुलाराम घर्ती मगर र उपसभामुखमा राप्रपाकी समानुपातिक सांसद मेनुका खाँण केसीले उम्मेदवारी दर्ता गर्दैछन् । सोमबार दिउँसो उम्मेदवारी दर्ता हुँदैछ । निर्वाचन भने भोलि मात्र हुनेछ ।

८७ सदस्यीय यस प्रदेश सभामा सत्तारुढ गठबन्धनमा एमालेका २९, माओवादीका १०, राप्रपा र नागरिक उन्मुक्तिका ४/४, जसपा, जनमत रलोसपाका ३/३ र दुई स्वतन्त्र सांसद छन् । नेपाली कांग्रेसले भने उम्मेदारको टुंगो लगाउन सकेको छैन ।