वर्षामान पुनको कलेजो प्रत्यरोपण गरिने

४ माघ, ललितपुर । नेकपा (माओवादी) केन्द्रका नेता वर्षमान पुन ‘अनन्त’को कलेजो प्रत्योपण गरिने भएको छ ।
जन्डिस बिग्रेर लामो समयदेखि स्वास्थ्यमा समस्या बल्झिँदै आएपछि उनको कलेजो प्रत्यारोपण गरिने भएको हो ।

पछिल्लो पटक गृह जिल्लो रोल्पा पुग्दा उनको स्वास्थ्यमा गम्भीर समस्या आएको थियो । त्यसपछि उनलाई हेलिकोप्टरबाट काठभमाडौं ल्याइएको थियो ।

काठमाडौं ल्याएपछि उनलाई ललितयुरको सुमेरु अस्पतालमा (निजी)मा राखेर उपचार गराइरहेका छन् ।
पुनको उपचारमा संलग्न पेट रोग विशेषज्ञ प्राडा युवराज शर्माले पुनको कलेजोले ८० प्रतिशत भन्दा बढी भाग बिग्रिसकेको र प्रत्यारोपण मात्र विकल्प रहेको बताए । केही हप्तामै कलेजो प्रत्यारोपण गर्नुपर्ने देखिएको उनले बताए ।

अस्पतालमा ल्याइएपछि पुनको पेटबाट साढे २ लिटर पानी निकालिएको थियो । कलेजोमा समस्या आउँदा पेटमा पानी जम्ने र पेट फुल्ने साथै शरीर सुनिने लक्षण देखा परेको छ ।

पुनलाई अस्पतालमै पुगेर उपराष्ट्रपनि नन्दकिशोर पुन, प्रधानमन्त्री प्रचण्ड लगायत नेताहरुले भेट गरेर स्वस्थ्यलाभको कामना गरेका छन् ।

कलेजो आफै विकसित हुने अंग भएकाले यसको प्रत्यारोपण गरेको तीन महिनादेखि नै बिरामीको पेटमा आफैं विकसित हुन्छ र करिव छ महिनामा झण्डै ९० प्रतिशत विकास भइसक्ने चिकित्सकले बताए । कलेजो प्रत्यारोपण गरिएको बिरामीले पूर्ववत् अवस्थामा जीवन चलाउन सक्ने बताए ।

पुन यसअघि भारत, थाइल्याण्ड, चीन गएर उपचार गरेर फर्केका हुन् । तर पटकपटक समस्या दोहोरिँदै आएको छ । पुन राेल्पाबाट प्रतिनिधिसभा सदस्यमा निर्वाचित सांसद हुन् ।