सन्दीप लामिछानेलाई थुनामुक्त गर्ने आदेशविरुद्ध उच्च सरकारी वकिल सर्वोच्च जाने
नेपालबहस संवाददाता
माघ ४, २०७९ बुधबार २०:३६:२२
४ माघ, काठमाडौं । नाबालिग बलात्कारको कसुर मुद्दामा कारागारमा थुनामा रहेका क्रिकेटर सन्दीप लामिछानेलाई थुनामुक्त गर्ने आदेश बदर गर्न माग गर्दै सर्वोच्च अदालत जाने तयारी गरेको छ ।
उच्च अदालत पाटनले गएको बिहीबार लामिछानेलाई २० लाख रुपैयाँ धरौटीमा थुनामुक्त गर्न आदेश दिएपछि उनी रिहा भइसकेका छन् । आदेशमा लामिछानेलाई थुनामा राख्नैपर्ने पर्याप्त आधार नदेखिएको उल्लेख छ ।
बलात्कार कसुरमा अभियोजन पत्रसहित काठमाडौं जिल्ला अदालतमा दायर मुद्दामा जिल्ला अदालतले थुनामा राख्न आदेश दिएकामा त्यसविरुद्ध लामिछानेले वारेसनामामार्फत उच्च अदालत पाटनमा रिट हालेका थिए । त्यस रिटमा उच्च अदालत पाटनका न्यायाधीश धुवराज नन्द र रमेश ढकालको इजलासले गत बिहीबार रिट जारी गर्दै विभिन्न सर्तसहित धरौटीमा रिहा गर्न आदेश दियो । बिहीबारको आदेश औपचारिक रूपमा मंगलबार मात्र उच्च सरकारी वकिलको कार्यालय पाटनमा पुगेको थियो ।
सोही आदेश बदर गर्न माग गर्दै उच्च सरकारी वकिलको कार्यालय सर्वोच्चमा रिट निवेदन दायर गर्न जाने भएको हो ।
उच्चको उक्त आदेश कानुन र सर्वोच्चले गरेका व्याख्यासँग बाझिएको भन्दै आदेश बदर गरी अभियुक्त छामिछानेलाई सर्वोच्च जाने तयारी गरेको पाटन उच्च सरकारी वकिल स्रोतले जनायाे ।
आदेश प्राकृतिक न्यायको सिद्धान्त र व्याख्याभन्दा व्यवहारिक पक्षको व्याख्यामा आएको भन्दै टिकाटिप्पणी भइरहेको छ । गत भदौ ५ गते राति काठमाडौंको पिंगलास्थानस्थित होटल इनमा नुवकोटकी एक नाबालिकालाई बलात्कार गरेको आरोपमा लामिछानेलाई असोज २० गते पक्राउ गरी काठमाडौं जिल्ला अदालतमा मुद्दा चलाइएको थियो ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपन्याय परिषदद्वारा उच्च अदालतका १४ जना न्यायाधीशको सरुवा
असोज ११, २०८१ शुक्रबार
बाहिर नेपाल बारको धर्ना, भित्रबाट पाण्डे र निरौलालाई सर्वोच्चको न्यायाधीशमा सिफारिस
असोज ११, २०८१ शुक्रबार
द्वन्द्वकालीन गम्भीर अपराधका घटनामा आममाफी दिइने छैन : प्रधानमन्त्री ओली
असोज १२, २०८१ शनिबार
आज यी ठाउँहरुमा हुनेछ ठूलो वर्षा, सतर्कता अपनाउन आग्रह
असोज १३, २०८१ आइतबार
कोशी ब्यारेजमा पानीको सतहले अति खतरनाकको विन्दु पार
असोज १३, २०८१ आइतबार
प्रचण्डले बोलाएको सर्वदलीय बैठक स्थगित
असोज १३, २०८१ आइतबार
कति छ आजका लागि विदेशी मुद्राको विनिमय दर ?
असोज १३, २०८१ आइतबार
गोरखाबाट काठमाडौंका लागि छुटेको यात्रुबाहक बस शुक्रबारदेखि सम्पर्कविहीन
असोज १३, २०८१ आइतबार
अपडेट: बाढी पहिरोमा परी १०० जनाको मृत्यु, ६७ बेपत्ता
असोज १३, २०८१ आइतबार
आईपीएलमा फ्रेन्चाइजीले ६ खेलाडी रिटेन गर्नसक्ने, राइट टु म्याच कार्ड पनि लागु
असोज १३, २०८१ आइतबार