राष्ट्रपति समझदारीबाट बनाउने कोशिस हुन्छः प्रधानमन्त्री प्रचण्ड

५ माघ, काठमाडौं । प्रधानमन्त्री पुष्पकमल दाहाल ‘प्रचण्ड’ले राष्ट्रपति र उपराष्ट्रपति चयनमा दलहरुबीच समझदारी कायम गर्ने कोशिस अन्तिमसम्म रहने बताएका छन् ।

बिहीबार संसदको बैठकबाट सभामुख चयन भएपछि सञ्चारकर्मीहरुसँग कुरा गर्दै प्रम प्रचण्डले सभामुखको निर्वाचनमा सत्ता साझेदार दलहरु एकै ठाउँमा रहेको बताए ।

सत्ता साझेदार दलहरुमा राष्ट्रपतिमा उम्मेदवारबारे समस्या नरहेको र नेपाली कांग्रेससँग पनि यसबारे छलफल गरेर समझ्दारी अगाडि बढ्नेमा आफू विश्वस्त रहेको उनले बताए । यही माघ ७ गते उपसभामुखका लागि संसदमा निर्वाचन हुँदैछ ।