मुख्यमन्त्री शर्मालाई बैठकमै यामलाल कँडेलको घोचपेच

६ माघ, सुर्खेत । नेकपा (एमाले) कर्णाली प्रदेश संसदीय दलका नेता यामलाल कँडेलले मुख्यमन्त्री राजकुमार शर्मालाई फोटो टाँस्न र समय बिताउने काम मात्र नगर्न सुझाएका छन् । एक थान फोटो टाँसेकै भरमा कर्णालीको विकास हुन नसक्ने तर्क गर्दै उनले राम्रैसित घाेचपेच गरेका छन् ।

मुख्यमन्त्री शर्माले शुक्रबार विश्वासको मत लिने राखेको प्रस्तावमा प्रदेशसभा बैठकमा बोल्दै नेता कँडेलले यस्तो सुझाव दिएका हुन् । उनी मुख्यमन्त्रीका आकांक्षी थिए । तर केन्द्र सरकार गठनको सन्तुलनमा कारण माओवादी केन्द्रको भागमा कर्णली प्रदेश परेपछि उनी बाहरिए ।

मुख्यमन्त्री शर्माले विश्वासको मत माग्दा सुनाएका योजनाबारे प्रतिक्रिया दिँदै नेता कँडेलले शब्द वाण प्रहार गर्दै भने,
दानदातव्यबाट कर्णाली बनाउने कुरा नसोच्न आग्रह गर्दै विकासको नाममा कर्णालीलाई भिखारीको रुपमा चिनाउने काम भएमा विश्वासको मत जतिबेला फिर्ता हुने बताए ।

सरकारले योजना छनोट गर्ने तरिका र विधिलाई पारदर्शी र जनमुखी बनाउनुपर्नेमा जोड दिए । पूँजीगत खर्च बढाउन पनि उनले आग्रह गरे ।

बैठकमा मुख्यमन्त्री शर्माले विश्वासकाे मत पाएका छन् ।