मिनीबस र सुमो गाडी ठोक्किँदा एक महिलाको मृत्यु, घाइते २ मध्ये एककाे अवस्था गम्भीर

१६ माघ, काठमाडौं । सोमबार बिहान सीतापाइलामा मिनीबस र सुमो गाडी ठोक्किँदा एक महिलाको मृत्यु भएको छ ।

बिहान ११ बजे सीतापाइलाबाट कलंकी जाने सडकखण्डमा बा २ ख ८३६८ नम्बरको मिनिबस र विपरीत दिशाबाट आइरहेको ना १ ज ३४२ नम्बरको सुमो ठोक्किएको थियो ।

ठोक्किँदा सुमोमा सवार रसुवा गोशाइकुण्ड(६ घर भई काठमाडौंको पुतलीसडक बस्ने ५१ वर्षीया यायाल्म घलेको मृत्यु भएको काठमाडौं जिल्ला परिसरले जनाएको छ । उपचारका क्रममा घलेको दिउँसो १ बजे मृत्यु भएको जनाएको छ ।

दुई जनाको मनमोहन अस्पताल र एक जनाको नेशनल अस्पताल कलंकीमा उपचार भइरहेको छ ।  कलंकीमा उपचाररत घाइतेकाे अवस्था गम्भीर रहेकाे जनाइएकाे छ ।