त्रिवि चिकित्साशास्त्रका डीनविरुद्ध विद्यार्थीको सिठ्ठी जुलुस (फोटो फिचर)

१८ माघ, काठमाडाैं । त्रिवि चिकित्सा शास्त्रका आन्दोलनरत् विद्यार्थीले बुधबार सिठ्ठी जुलुस निकालेका छन् ।

माइतीघरदेखि नयाँ बानेश्वरसम्म निकालेको सिठ्ठी जुलुसमा सहभागी विद्यार्थीहरुले आफूलाई पढ्ने वातावरण बनाउन माग गरेका थिए । उनीहरूले पीडित विद्यार्थीलाई न्याय दिन र यसअघि गरिएका सहमति लागू गर्न माग गरेका छन्।

त्रिभुवन विश्वविद्यालय चिकित्सा शास्त्र अध्ययन संस्थान (आइओएम), महाराजगञ्ज मेडिकल क्याम्पसमा अध्ययनरत विद्यार्थीहरूले भदौ ३० गते भएको सहमतिको अक्षरस कार्यान्वयन गर्न माग गर्दै आन्दोलित भएका हुन् ।

उनीहरुले ‘सहमतिपत्र लागु गर, पीडित विद्यार्थीलाई न्याय दे, विद्यार्थीलाई पढ्न दे’ जस्ता नारा लेखिएको प्लेकार्ड प्रदर्शन गरेका थिए ।