५ भारतीयलाई रिहा गर्न सर्वोच्चको आदेश

१९ माघ, काठमाडौं । सर्वोच्च अदालतले यही माघ ८ मा अवैध मेला आयोजना गरेको भन्दै पक्राउ गरिएका पाँच जना भारतीय नागरिकलाई रिहा गर्न आदेश दिएको छ।

दुबईको रियलस्टेट कमपनी ड्याम्याकले दुबई प्रोपर्टी मेला आयोजना गरेको थियो । यस किसिमका मेला आयोजना गर्न नहुने राष्ट्र बैंकले बताए पनि आयोजना गरेको आरोपमा उनीहरुलाई प्रहरीले पक्राउ गरी थुनामा राख्दै आएको थियो ।
उनीहरुलाई गैरकानूनी तवरले थुनामा राखेकाे जनाउँदै थुनामुक्तको मागसहित अधिवक्ता शकुन भण्डारीले बन्दी प्रत्यक्षीकरणको रिट दायर गरेकी थिइन् ।

बिहीबार रिटको सुनुवाइ गर्दै न्यायाधीशद्वय अनिल कुमार सिन्हा र डा. कुमार चुडालको संयुक्त इजलासले उनीहरुलाई थुनामा राख्नुपर्ने आधार र मनासिक कारण नदेखिएको ठहर गर्दै रिहा गर्न आदेश दिएको हो ।

रिहाई हुनेहरुमा भारतका अफ्ताव हम्जा जसनाइक, काजल रवि अग्रवाल, गुर्चरण सिंह मेहता, अनुभव वर्मा र हर्ष शर्मा रहेका छन् ।