कैशाल महताे समूहले फेरि चलायो ‘स्वतन्त्र मधेश’ अभियान

२० माघ, काठमाडौं । सीके राउत मधेशलाई अलग्गै राज्य बनाउने विखण्डनकारी नारासहित तराई क्षेत्रमा भूमिगत राजनीतिअन्तर्गत स्वतन्त्र मधेशको अभियानमा रहेका बेला सँगै रहेका एक समूहले पुनः स्वतन्त्र मधेशको नारा बोकेर अभियान चलाएकाे छ ।

राउन स्वतन्त्र मधेशको नारा त्यागेर मूलधारको राजनीतिमा प्रवेश गरे पनि उनको साथ छाडेका केही नेताहरूले यो अभियानलाई निरन्तरता दिएका हुन् । राउत मूलधारमा आएपछि अहिले प्रतिनिधिसभामा सदस्य छन् । उनको पार्टी सरकारमा छ ।

raतर राउतको साथमा काम गर्ने शीर्ष नेतामध्येका एक कैलाश महतो उनको साथ छाडेर अहिले स्वाधीन मधेस जनअभियानमा लागेका छन् । उनले काठमाडौँ लगायत तराई मधेसका विभिन्न ठाउँमा स्वतन्त्र मधेस अभियानका लागि छलफल गरेका छन् ।

गत बिहीबार र शुक्रबार काठमाडौँमा छलफल गरेर निस्केका महतो जनकपुर पुगेर माघ १७ गते तमलोपा, नेपाल सद्भावना पार्टी लगायतसँग छलफल गरिरहेका छन् ।

उनले मधेश प्रदेशको बारा जिल्लामा रहेर विभिन्न मधेस केन्द्रित सङ्घ, सङ्गठन तथा व्यक्तिहरूसँग छलफल चलाइरहेका छन् । उनले आफूहरुले सीके राउतले जसरी देशबाट मधेस अलग गराउन नचाहेको तर देशभित्रै मधेसलाई स्वतन्त्र राख्न चाहेको बताएका छन् ।

उनले मशेशलाई नेपालभित्रै आत्मनिर्णयको अधिकारसहित पूर्ण स्वतयता राज्य बनाउन अभियान सुरु गरेको बताए । अभियान गैर दलीय हुने बताए । दल बनाउँदा लोभ र प्रलोभनमा फस्ने गरेको भन्दै त्यो अवस्थाबाट बच्न अभियान अगाडि बढाएको उनको भनाइ छ । उनले बुद्धिजीवि, प्रवुद्ध वर्ग र सरोकारवाला पक्षहरुसँग छलफल चलाउने बताए ।

अहिले तराई मधेसमा रहेका संसदीय दलहरूबाट जनता आजित भइसकेका तथा मुद्दा र एजेन्डाभन्दा सत्ता र शक्तिमा केन्द्रित रहेको बताउँदै त्यसबाट जनतालाई माथि उठाउने काम अभियानले गर्ने बताए ।