बहालवाला कर्मचारीलाई लोक सेवा परीक्षामा संलग्न गराउन सर्वोच्चको आदेश

२० माघ, काठमाडौं । सर्वोच्च अदालतले सङ्घ, प्रदेश र स्थानीय तहका बहालवाला कर्मचारीलाई लोकसेवा आयोगले माग गरी दरखास्त आह्वान गरेका विज्ञापनमा समावेश गराई परीक्षामा संलग्न गराउन अन्तरिम आदेश दिएको छ ।

नेपाल निजामती कर्मचारी संगठनको तर्फबाट उपमहासचिव युवाचन्द्र घिमिरेले दायर गरेको रिटमाथि शुक्रबार सुनुवाइ गर्दै सर्वोच्चका न्यायाधीश कुमार चुँडालको एकल इजलासले लोकसेवाले दरखास्त आह्वान गरेका विज्ञापनमा बहालवाला कर्मचारीलाई सहभागी गराउन अन्तरिम आदेश दिएको हो ।

प्रदेश र स्थानीय तहमा समायोजन भएका कर्मचारीहरुलाई लोकसेवा आयोगले खोल्ने विज्ञापनहरुमा उमेर हद नलाग्ने ठहर गर्दै सर्वोच्चले उनीहरुलाई लोकसेवाको परीक्षामा सहभागी गराउन शुक्रबार अन्तरिम आदेश दिएको हो ।