देउवाविरुद्धको मुद्दामा सर्वोच्चले दिएन अन्तरिम आदेश, छलफल गर्न दुवै पक्षलाई बोलाइयाे

२५ माघ, काठमाडौं । नेपाली कांग्रेसका सभापति शेरबहादुर देउवालाई संसदमा प्रमुख विपक्षी दलको नेताको रुपमा सुविधा नदिन माग गरिएको रिट निवेदनमा सर्वोच्च अदालतले अन्तरिम आदेश दिन अस्वीकार गरेको छ ।

अधिवक्ता विमलप्रसाद पोखरेलले मंगलबार दायर गरेको रिटमा न्यायाधीश सुष्मालता माथेमाको एकल इजलासले यस्तो अन्तरिम आदेश दिन अस्वीकार गरेको हो । रिटलाई टुंगोमा पुर्याउने रिटका पक्ष र विपक्षलाई छलफलमा बोलाउने आदेश भएको छ । साथै विपक्षीकाे नाममा कारण देखाउ आदेश दिएकाे छ ।

सरकारलाई समर्थन गरेका दल नेपाली कांग्रेसलाई संघीय संसद सचिवालयले प्रमुख विपक्षी दलका नेताको हैसियतमा सुविधा दिने निर्णय बदर गर्न माग गर्दै सर्वोच्चमा रिट दायर भएको थियो ।